Los campaneiros viaxan a Llión
Martes d’entroidu, en Llión
Los Campaneiros viaxan a la capital llionesa onde desfilarán pola tardiquina dende’l parque de Bombeiros hasta la praza mayor.
Polas caleyas más céntricas, el día 9 por la tardiquina, los Campaneiros volverán a enseñanos dalgunas de las tradiciones que los puebros foron recuperando, evitando la sua perdida y olvidu, pa deixar contemprar antiguos ritos, la mayoría d’orixen ástur, de fecundidá, del enfrentamientu del bien cuntra’l mal ou la lluita por antiguos territorios.
El simbolismu que traen los personaxes y las representaciones del entroidu llionés enarbolan rituales amestaos a la tierra y a la fertilidá de la muyier ou la dualidá del bien y el mal, con orixen paganu y pícaru.
La gaita y los tamboriles, acompañaos pol soníu de los esquilones que mueitos de los personaxes llevan colgaos pa asustare, al compás del soníu de los palos que llevan los Campaneiros, chegaran hasta la praza Mayor, onde los distintos grupos del entroidu lliones van dir desfilando y faciendo la sua representación.
